باردا بيلاف (رز على الطريقة العثمانية)

1 إجابة

باردا بيلاف (رز على الطريقة العثمانية)

مكونات باردا بيلاف (رز على الطريقة العثمانية)

كاستين رز ,ملعقة زبيب ,ملعقة صنوبر , بصله حجم وسط ,400 غرام لحمه راس عصفور او جاج راس عصفور ,3 كاسات ماء ساخن ,للعجينه : , بيضه ,معلقتين رايب ,3 ملاعق زيت نباتي , طحين قدر ما توخذ عندك المكونات لحد ما تحصلي على عجينه تشبه عجينة الخبز , لوز للزينه

خطوات - باردا بيلاف (رز على الطريقة العثمانية)

1 - حضري العجينه وتركيها ترتاح
2 - للرز افرمي البصله ناعم وبمقلايه قليها بشوية زيت نباتي بعد ما تذبل ضيفي الصنوبر والزبيب بعد ما يتحمر الصنوبر ضيفي الرز وملح وفلفل وبهارات حسب الرغبه الوصفة الاساسيه فيها قرفة للي بحب
3 - بعدين ضيفي الماء للرز وتركيه لحد ما يستوي
4 - اللحمه اطبخيها بمقلايه لحالها على نار هادية لحد ما تنزل ميتها وتنشف تماما بعد ما يستوي الرز واللحمه خلطيهم مع بعض
5 - لازم تختاري صينيه عميقة شوي عشان يطلع منظر الاكله احلى معك
6 - دهني الصينيه بزبدة وباللوز ارسمي الشكل الي تحبيه وحطي بعدها الصينيه بالفريزر عشان يثبت اللوز وما يتحرك من مكانه لمدة عشر دقايق
7 - خذي العجينه وافرديها بشكل انه تغطي قاع الصينيه واطرافها بالكامل وخلي شوي من العجينه عشان اتغطي الوجة
8 - افردي العجينه جوا الصينيه وضيفي فوقها الرز و سكري فوق الصينيه بالعجين
9 - انتبهي انه العجينه ما تكون سميكه كتير نص سم بالكتير
10 - دخلي الصينيه فرن 200 لحد ما تتحمر من كل الجهات والف صحه وهنا

لديك اجابه شاركها معنا :