بسكويت هش ????????

1 إجابة

بسكويت هش ????????

بتعرفو بالشتا الواحد بتنفتح شهيته ع الاكل و بيحتاج الحلو بشكل كبير حبيت اعمل شي يتخزن بمرطبان طبعاً رح حط الوصفة بكمية وحدةو انتو اذا حبيتو بتزيدو او بتنقصو ????????ان شاالله تعجبكن ????

مكونات بسكويت هش ????????

100 غ زبدة ,2 حبة بيض ,1/4 ك زيت نباتي ,ظرف فانيلا , برش برتقالة او ليمونة ,ظرف بيكينغ باودر ,1 م ك نشا ,2 1/2 ك طحين و ممكن اكتر ,3/4 ك سكر ناعم

خطوات - بسكويت هش ????????

1 - خفقي السكر و الزبدة منيح ليصيرو خليط متجانس و بعدا ضيفي الزيت و البيض و الفانيلا و برش البرتقال او الليمون
2 - خلطي منيح و بعدين انخلي الطحين و النشا و البيكينغ باودر و معليش اذا ضفتي رشة ملح صغيرة
3 - عجني لتصير معك عجينة طرية كتير و ما بتلزق و ممكن تحتاجي تضيفي طحين مو مشكلة
4 - بعدين لفي العجينة بنايلون و حطيها بالبراد ساعة كاملة
5 - بس تمر ساعة طلعي العجينة و فرديها بين طبقتين نايلون و قطعيها اشكال حسب ما بتحبي
6 - صفي البسكويت بصينية ما بتلزق او فيكي للضمان تضيفي ورق زبدة
7 - حطيها بفرن درجة حرارته 160 بالطبقة الوسطى و يفضل تشغيل المروحة
8 - بالهنا و الشفا

لديك اجابه شاركها معنا :

الوسوم