طريقة عمل وصفة الارز بالشعريه

1 إجابة

طريقة عمل وصفة الارز بالشعريه

مكونات طريقة عمل وصفة الارز بالشعريه

نص كيلو رز بما يعادل 2 كوب ونص ,1/4 كيلو شعريه او اقل كمان , ملح وكمون او كيس مرق فوري , معيار الرز ماء او شوربه , معلقتين اكل سمنه + معلقه زيت

خطوات - طريقة عمل وصفة الارز بالشعريه

1 - تغسلى الرز وتنقعيه مش اقل من ساعه او ساعتين وكل ما تنقعيه مده اطول يكون شرب مياه ومش ياخد وقت فالسوا بعدين فمصفاه تصفيه من المياه كلها.
2 - تقدحى حته سمنه مع شويه زيت وضرورى الزيت عشان مش يلزق منك او يتحرق حطى الشعريه وقلبى لحد اللون الذهبى.
3 - حطى الرز وقلبى او شوحيهم سوا لحد ما الرز يبخر ميته ويتشوح مع الشعريه، حطى الملح والكمون وطبعا كيس المرقه الفوريه اللى قولنا عليه وحطى معيار الرز وهنا التكه بتاعتى بقى بحط مياه او شوربه طبعا يدوب ترتفع فوق الرز بمسافه صباع مش بطول الصباع لأ بعرضه وتتقلبى كله سوا بحيث يتقلب الرز مع التوابل والمرقه والشعريه وغطى عليه واوعى تفحى خالص لحد ما اقولك.
4 - سيبيه على نار عاليه لحد ما يغلى ويطلع دخان انقليه من العين الكبيره وحطيه على العين الصغيره ووطى عليه وبردو مش تفتحى انا عايزاه يكمل سوا على البخار ومش يفقد قيمته على اد ما نقدر وطى عليه تانى يبقى شمعه.
5 - بعدين اكشفى الغطا وقلبى كويس وغطيه تانى وسيبيه تقريبا كمان 5 دقايق او 10 على حسب ما تلاقيه استوى وفلفل هوى الغطا من عليه.

لديك اجابه شاركها معنا :